ވެހިކަލްތައް ޓޯކުރުމަށް ހާއްސަ އުޅަނދެއް ފުލުހުން ބޭނުންކުރަން ފަށައިފި އެވެ.
އާއްމު ތަންތަނުގައި ގަވާއިދާ ހިލާފަށް ޕާކުކޮށްފައި ހުންނަ އުޅަނދުތައް ނަގަން ފުލުހުން މީގެ ކުރިން ބޭނުންކުރީ ފޯކްލިފްޓެވެ. އެހެންވެ، ބައެއް ފަހަރު އުޅަނދުތައް ނަގާއިރު ގެއްލުން ވެސް ވެ އެވެ.
ސޯޝަލް މީޑިއާގައި ފުލުހުން ކުރި ޕޯސްޓުގައި ބުނީ ހަތަރު ފުރޮޅުލީ ވެހިކަލްތައް ނަގަން ހާއްސަ ޓޯ އުޅަނދެއް ބޭނުންކުރަން ފެށުމުން، ޓޯ ކުރުމުގެ މަސައްކަތަށް ބޮޑު ފަސޭހަތަކެއް ލިބޭނެ ކަމަށެވެ.
ފުލުހުންގެ ޓޯއަށް ހާއްސަކޮށްފަައިވާ އުޅަނދު.-- ފޮޓޯ: ޕޮލިސް
މާލެ އާއި ހުޅުމާލޭގެ މަގުތަކުގައި އާންމު ދަތުރުފަތުރަށް އުނދަގޫވާ ގޮތަށް ގަވާއިދާ ހިލާފަށް ޕާކުކޮށްފައިވާ އުޅަނދުތައް ނެގުމުގެ މަސައްކަތް އެ އިދާރާއިން އަންނަނީ ކުރަމުންނެވެ.
އޭގެ ތެރެއިން ޒިބްރާ ކްރޮސްގައި ލައިން ދަމާފައިވާ ސަރަހައްދުތަކާއި ގޯޅިކަންމަތީގައި ޕާކު ކޮށްފައިވާ އުޅަނދުތައް މާލޭގެ މަގުތަކުން ނަގަން އިއްޔެ ވަނީ ފަށައިފަ އެވެ.
ކޮމެންޓުތައް (0)